2026 World Club Championship: ವಿಶ್ವ ಕ್ಲಬ್ ಚಾಂಪಿಯನ್‌ಶಿಪ್‌ನಲ್ಲಿ ಪಾಕ್‌ ಆಡುವ ಸಾಧ್ಯತೆ ಕಡಿಮೆ
ಆರಂಭದಲ್ಲಿ ವಿಶ್ವ ಕ್ಲಬ್‌ಗಳ ಈವೆಂಟ್‌ನಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಯಾವುದೇ ತಂಡವಿಲ್ಲದೆ ಐದು ತಂಡಗಳು ಸ್ಪರ್ಧಿಸಲಿವೆ ಎಂದು ಮೂಲಗಳು ವಿವರಿಸಿವೆ. “ಯೋಜಿತ ಈವೆಂಟ್‌ಗೆ ಭಾರತೀಯ ಮಂಡಳಿಯ ಬೆಂಬಲವಿದ್ದರೂ, ಉದ್ಘಾಟನಾ ಚಾಂಪಿಯನ್‌ಶಿಪ್‌ಗೆ ಐಪಿಎಲ್ ತಂಡಗಳ ಭಾಗವಹಿಸುವಿಕೆ ಇರುವುದಿಲ್ಲ” ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Abhilash BC
Jul 6, 2025 8:50 PM
ದುಬೈ: ಮುಂದಿನ ವರ್ಷ ಆರಂಭವಾಗಲಿರುವ ವಿಶ್ವ ಕ್ಲಬ್ ಟಿ20 ಚಾಂಪಿಯನ್ಶಿಪ್(2026 World Club Championship) ನಿಂದ ಪಾಕಿಸ್ತಾನ ಹೊರಗುಳಿಯುವ ಸಾಧ್ಯತೆಯಿದೆ. ಈ ಬೆಳವಣಿಗೆಗಳ ಬಗ್ಗೆ ತಿಳಿದಿರುವ ಮೂಲವೊಂದು, ಪಾಕಿಸ್ತಾನ ಸೂಪರ್ ಲೀಗ್‌ನಲ್ಲಿ(Pakistan Super League) ವಿಜೇತ ತಂಡವನ್ನು ಈ ಕಾರ್ಯಕ್ರಮಕ್ಕೆ ಆಹ್ವಾನಿಸುವ ಸಾಧ್ಯತೆ ಕಡಿಮೆ ಎಂದು ತಿಳಿಸಿದೆ. ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಮತ್ತು ಅದರ ಅಧ್ಯಕ್ಷ ಜಯ್ ಶಾ ಅವರ ನೇತೃತ್ವದಲ್ಲಿ ಈ ಟೂರ್ನಿ ನಡೆಯಲಿದೆ.
"ಪ್ರಸ್ತಾವಿಕ ವಿಶ್ವ ಕ್ಲಬ್ ಚಾಂಪಿಯನ್ಶಿಪ್, ಅದರ ವಿಂಡೋ, ಸ್ವರೂಪ, ವೇಳಾಪಟ್ಟಿ ಇತ್ಯಾದಿಗಳ ಕುರಿತು ಚರ್ಚೆಗಳು ನಡೆದವು. ಎಮಿರೇಟ್ಸ್ ಲೀಗ್, ಬಿಗ್ ಬ್ಯಾಷ್ ಲೀಗ್, ದಿ ಹಂಡ್ರೆಡ್, SA20, MLC, ಕೆರಿಬಿಯನ್ ಪ್ರೀಮಿಯರ್ ಲೀಗ್ ಇತ್ಯಾದಿಗಳ ಸಿಇಒಗಳು ಸಭೆಯಲ್ಲಿ ಭಾಗವಹಿಸಿದ್ದರು. ಪಾಕಿಸ್ತಾನವನ್ನೂ ಆಹ್ವಾನಿಸಲಾಗಿತ್ತು" ಎಂದು ಅವರು ದೃಢಪಡಿಸಿದರು.
ಇದನ್ನೂ ಓದಿ IND vs ENG: ಅವಳಿ ಶತಕಗಳ ಮೂಲಕ ಕೊಹ್ಲಿ-ಗವಾಸ್ಕರ್‌ ದಾಖಲೆ ಮುರಿದ ಶುಭಮನ್‌ ಗಿಲ್‌!
ಆರಂಭದಲ್ಲಿ ವಿಶ್ವ ಕ್ಲಬ್‌ಗಳ ಈವೆಂಟ್‌ನಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಯಾವುದೇ ತಂಡವಿಲ್ಲದೆ ಐದು ತಂಡಗಳು ಸ್ಪರ್ಧಿಸಲಿವೆ ಎಂದು ಮೂಲಗಳು ವಿವರಿಸಿವೆ. “ಯೋಜಿತ ಈವೆಂಟ್‌ಗೆ ಭಾರತೀಯ ಮಂಡಳಿಯ ಬೆಂಬಲವಿದ್ದರೂ, ಉದ್ಘಾಟನಾ ಚಾಂಪಿಯನ್‌ಶಿಪ್‌ಗೆ ಐಪಿಎಲ್ ತಂಡಗಳ ಭಾಗವಹಿಸುವಿಕೆ ಇರುವುದಿಲ್ಲ” ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಯೋಜಿತ ಸೌದಿ ಕ್ರಿಕೆಟ್ ಲೀಗ್ ಅನ್ನು ಹಳಿತಪ್ಪಿಸುವ ಪ್ರಯತ್ನದಲ್ಲಿ ವಿಶ್ವ ಕ್ಲಬ್ ಚಾಂಪಿಯನ್ಶಿಪ್ ಅನ್ನು ತ್ವರಿತವಾಗಿ ನಡೆಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ. ಖಾಸಗಿ ಹೂಡಿಕೆದಾರರು ಸೌದಿ ಲೀಗ್‌ಗೆ 400 ಮಿಲಿಯನ್ ಹೂಡಿಕೆ ಮಾಡಲು ಯೋಜಿಸುತ್ತಿದ್ದಾರೆ. ಆದರೆ ಪ್ರತಿ ವರ್ಷ ಟೆನಿಸ್ ಗ್ರ್ಯಾಂಡ್ ಸ್ಲ್ಯಾಮ್ ಈವೆಂಟ್‌ಗಳ ಮಾದರಿಯಲ್ಲಿ ತಮ್ಮ ಲೀಗ್ ಅನ್ನು ಹೊಂದಲು ಅವರು ಬಯಸುತ್ತಿರುವುದರಿಂದ ಬಿಸಿಸಿಐ ಮತ್ತು ಇಂಗ್ಲೆಂಡ್‌ ಕ್ರಿಕೆಟ್ ಮಂಡಳಿಯ ಪ್ರತಿರೋಧವನ್ನು ಎದುರಿಸುತ್ತಿದ್ದಾರೆ.