Viral News: ಬರೋಬ್ಬರಿ 58 ಗಂಟೆ ಪರಸ್ಪರ ಚುಂಬಿಸಿ ಗಿನ್ನೆಸ್ ದಾಖಲೆ ಬರೆದಿದ್ದ ದಂಪತಿ ಡಿವೋರ್ಸ್‌!

ಜಕಾರ್ತ: ಸುದೀರ್ಘ ಚುಂಬನದ ಮೂಲಕ ವಿಶ್ವ ದಾಖಲೆ (Longest Kiss Record) ಬರೆದಿದ್ದ ಥಾಯ್ ದಂಪತಿಯ ಬಗ್ಗೆ ನಿಮಗೆ ನೆನಪಿದೆಯೇ? ಸುದೀರ್ಘ 58 ಗಂಟೆ 35 ನಿಮಿಷಗಳ ಕಾಲ ಪರಸ್ಪರ ಚುಂಬಿಸಿಕೊಳ್ಳುವ ಮೂಲಕ ಈ ದಂಪತಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ (Guinness World Records) ಬರೆದಿದ್ದರು. 2013ರಲ್ಲಿ ಈ ದಂಪತಿ ಈ ವಿಚಿತ್ರ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆಸಿಕೊಂಡಿದ್ದರು. ಈ ದಂಪತಿಯೇ ಎಕ್ಕಾಚಿ ತ್ರಿನರಾತ್ ಮತ್ತು ಆತನ ಪತ್ನಿ ಲಕ್ಸಣ. ಈ ದಂಪತಿ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ, ಇದಕ್ಕೆ ಕಾರಣವೇನೆಂದರೆ ಈ ದಂಪತಿ ಇದೀಗ ಜೊತೆಯಾಗಿಲ್ಲವೆಂಬ ಸುದ್ದಿ ಹೊರಬಿದ್ದಿದೆ. ಬಿಬಿಸಿ ಸೌಂಡ್ಸ್ ಪಾಡ್ ಕಾಸ್ಟ್ ವಿಟ್ನೆಸ್ ಹಿಸ್ಟರಿ ಎಂಬ ಕಾರ್ಯಕ್ರಮದಲ್ಲಿ ಎಕ್ಕಾಚಿ ಈ ವಿಷಯವನ್ನು ರಿವೀಲ್ ಮಾಡಿದ್ದಾನೆ.

ನಾವಿಬ್ಬರೂ ಇದೀಗ ಬೇರೆಯಾಗಿದ್ದೇವೆ, ಆದರೆ ಆ ರೆಕಾರ್ಡ್ ಬಗ್ಗೆ ಈಗಲೂ ನಮಗೆ ಹೆಮ್ಮೆಯಿದೆ ಎಂದು ಆತ ಹೇಳಿಕೊಂಡಿದ್ದಾನೆ. ಇನ್ನೊಂದು ಇಂಟರೆಸ್ಟಿಂಗ್ ವಿಚಾರವೆಂದ್ರೆ ಸುದೀರ್ಘ ಚುಂಬನ ವಿಭಾಗವನ್ನೇ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ 2013ರ ಬಳಿಕ ಕ್ಯಾನ್ಸ‍ಲ್ ಮಾಡಿತ್ತು. ಹೀಗಾಗಿ ಈ ದಾಖಲೆ ಎಂದೆಂದೂ ಇವರಿಬ್ಬರ ಹೆಸರಿನಲ್ಲೇ ಉಳಿಯಲಿದೆ.

ಇದನ್ನೂ ಓದಿ: Viral Video: ಸ್ಟೇಷನ್‌ನಲ್ಲಿ ವಿದ್ಯಾರ್ಥಿಗಳನ್ನು ಹಿಗ್ಗಾಮುಗ್ಗಾ ಥಳಿಸಿದ ಪೊಲೀಸರು! ಶಾಕಿಂಗ್‌ ವಿಡಿಯೊ ಫುಲ್‌ ವೈರಲ್‌

ಹೇಗೆ ನಡೆಯುತ್ತೆ ಈ ಸುದೀರ್ಘ ಚುಂಬನ ಸ್ಪರ್ಧೆ?

ಈ ಸುದೀರ್ಘ ಚುಂಬನ ಸ್ಪರ್ಧೆಯಲ್ಲಿ ಇಬ್ಬರ ತುಟಿಗಳು ಸ್ಪರ್ಧೆಯುದ್ದಕ್ಕೂ ಪರಸ್ಪರ ಬೆಸೆದುಕೊಂಡೇ ಇರಬೇಕಾಗುತ್ತೆ. ಈ ಸಂದರ್ಭದಲ್ಲಿ ಅವರಿಬ್ಬರು ಏನನ್ನೂ ತಿನ್ನುವಂತಿಲ್ಲ. ಮತ್ತು ಇದರಲ್ಲಿ ಭಾಗವಹಿಸುವ ಸ್ಪರ್ಧಿಗಳು ತಾವು ಸ್ಪರ್ಧೆಯಲ್ಲಿ ಇರುವಷ್ಟು ಹೊತ್ತು ಎಚ್ಚರವಾಗಿಯೇ ಇರಬೆಕು ಮತ್ತು ನಿಂತುಕೊಂಡೇ ಇರಬೇಕು ಎಂಬೆಲ್ಲಾ ನಿಯಮವಿದೆ.

ಈ ಸುದೀರ್ಘ ಚುಂಬನ ಎಂಬುದು ಒಂದು ಅಪಾಯಕಾರಿ ಸಾಹಸವಾಗಿರುವ ಕಾರಣ ಈ ಕೆಟಗರಿಯನ್ನೇ ತೆಗೆದು ಹಾಕುತ್ತಿರುವುದಾಗಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಘೋಷಿಸಿತ್ತು. ಈ ಸುದೀರ್ಘ ಚುಂಬನದ ದಾಖಲೆ ತಮ್ಮ ಹೆಸರಿಗೆ ಬರಬೇಕೆಂದು ವಿಶ್ವಾದ್ಯಂತ ಹಲವಾರು ಜೋಡಿಗಳು ಕೆಲವೊಂದು ರಿಸ್ಕ್ ಗಳನ್ನು ತೆಗೆದುಕೊಳ್ಳುತ್ತಿರುವುದನ್ನು ಗಮನಿಸಿ ಗಿನ್ನೆಸ್ ಈ ನಿರ್ಧಾರವನ್ನು ತೆಗೆದುಕೊಂಡಿತ್ತು. ಇದೀಗ ಸುದೀರ್ಘ ಚುಂಬನ ದಾಖಲೆ ಕೆಟಗರಿಯ ಬದಲಿಗೆ ಸುದೀರ್ಘ ಚುಂಬನ ಮ್ಯಾರಥಾನ್ ಎಂಬ ಕೆಟಗರಿಯನ್ನು ಗಿನ್ನೆಸ್ ಪರಿಚಯಿಸಿದೆ.

ಈ ಸುದೀರ್ಘ ಚುಂಬನದ ದಾಖಲೆಯನ್ನು ತಮ್ಮ ಹೆಸರಿಗೆ 2013ರಲ್ಲಿ ಬರೆಸಿಕೊಂಡಿದ್ದ ಥಾಯ್ ದಂಪತಿ, ಬಹುಮಾನವಾಗಿ ಒಂದು ಲಕ್ಷ ಥಾಯ್ ಬ‍ಹ್ತ್ ನಗದು ಬಹುಮಾನ ಮತ್ತು ಒಂದು ಲಕ್ಷ ಥಾಯ್ ಬಹ್ತ್ ಮೌಲ್ಯದ ವಜ್ರದ ಉಂಗುರವನ್ನು ಪಡೆದುಕೊಂಡಿದ್ದರು.