Vishweshwar Bhat Column: ಹಿರಿಯರ ಆರೈಕೆ ರೋಬೋಟ್

ಸಂಪಾದಕರ ಸದ್ಯಶೋಧನೆ

ಜಪಾನಿಯರು ತಂತ್ರಜ್ಞಾನವನ್ನು ಸಮರ್ಥವಾಗಿ ಬಳಸಿಕೊಳ್ಳುವುದರಲ್ಲಿ ನಿಸ್ಸೀಮರು. ದೈನಂದಿನ ಜೀವನದ ಎಲ್ಲ ಕ್ಷೇತ್ರಗಳಲ್ಲೂ ತಂತ್ರಜ್ಞಾನವನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳುವ ಬಗ್ಗೆ ಅವರ ಮನಸ್ಸು ಸದಾ ಹುಡುಕಾಟದಲ್ಲಿರುತ್ತದೆ. ಜನಸಂಖ್ಯೆಯಲ್ಲಿ ಹಿರಿಯರ ಪ್ರಮಾಣ ದಿನೇ ದಿನೆ ಹೆಚ್ಚುತ್ತಿರುವುದರಿಂದ, ಹಿರಿಯರ ಆರೈಕೆಯ ಸಮಸ್ಯೆಗೆ ತಂತ್ರಜ್ಞಾನ ಆಧಾರಿತ ಪರಿಹಾರಗಳನ್ನು ಕಂಡುಕೊಳ್ಳುವುದು ಅವರಿಗೆ ಅನಿವಾರ್ಯವೂ ಹೌದು. ಈ ನಿಟ್ಟಿನಲ್ಲಿ, ಹಿರಿಯರ ಆರೈಕೆ ರೋಬೋಟ್‌ಗಳು (Elder Care Robots) ಒಂದು ಮಹತ್ವ ಪೂರ್ಣಹೆಜ್ಜೆ. ಇದು ವೃದ್ಧರ ದೈನಂದಿನ ಜೀವನ ಸುಲಭಗೊಳಿಸುವಲ್ಲಿ ಮತ್ತು ಆರೈಕೆ ನೀಡುವವರು ಅನುಭವಿಸುವ ಭಾರ ವನ್ನು ಕಡಿಮೆ ಮಾಡುವಲ್ಲಿ ನೆರವಾಗಿದೆ.

ಜಪಾನ್ ವಿಶ್ವದ ಅತಿ ಹೆಚ್ಚು ವೃದ್ಧ ಜನಸಂಖ್ಯೆಯುಳ್ಳ ದೇಶಗಳಲ್ಲಿ ಒಂದು. 2020ರಲ್ಲಿ 65 ವರ್ಷ ಮೇಲ್ಪಟ್ಟ ಜನರು ಒಟ್ಟಾರೆ ಜನಸಂಖ್ಯೆಯ ಶೇ.28ಕ್ಕೂ ಅಧಿಕರಾಗಿದ್ದರು. ಈ ಪ್ರಮಾಣ ೨೦೫೦ರ ವೇಳೆಗೆ ಶೇ.35 ಆಗುವ ನಿರೀಕ್ಷೆಯಿದೆ. ಜನಸಂಖ್ಯೆಯ ವೃದ್ಧಿ ಮತ್ತು ಜನನ ಪ್ರಮಾಣದ ಕುಸಿತದ ಕಾರಣದಿಂದ, ಹಿರಿಯರ ಆರೈಕೆಗೆ ಅಗತ್ಯವಿರುವ ಆರೋಗ್ಯ ಸೇವಾ ಸಿಬ್ಬಂದಿ ಮತ್ತು ಕುಟುಂಬದ ಸದಸ್ಯರ ಸಂಖ್ಯೆ ಕಡಿಮೆಯಾಗುತ್ತಿದೆ.

ಇದನ್ನೂ ಓದಿ: Vishweshwar Bhat Column: ರಿಯೋಕನ್‌ ವಾಸ

ಈ ಕಾರಣಗಳಿಂದಾಗಿ, ತಂತ್ರಜ್ಞಾನವನ್ನು ಬಳಸಿಕೊಂಡು ಹೊಸ ಪರಿಹಾರಗಳನ್ನು ಹುಡುಕುವುದು ಅನಿವಾರ್ಯ. ಹಿರಿಯರ ಆರೈಕೆಗಾಗಿ ವಿನ್ಯಾಸಗೊಳಿಸಲಾದ ರೋಬೋಟ್‌ಗಳು ಶಾರೀರಿಕ ಮತ್ತು ಮಾನಸಿಕ ಆರೈಕೆಯಲ್ಲಿ ನೆರವಾಗುತ್ತಿದೆ. ಇವು ಹಲವಾರು ಕಾರ್ಯಗಳನ್ನು ನಿರ್ವಹಿಸಬಲ್ಲವು, ಉದಾ ಹರಣೆಗೆ, ಹಿರಿಯರು ಸುಲಭವಾಗಿ ನಡೆಯಲು, ಅವಶ್ಯಕ ಔಷಧಗಳನ್ನು ಸರಿಯಾದ ಸಮಯಕ್ಕೆ ಸೇವಿಸಲು, ಒಂಟಿತನವನ್ನು ಕಡಿಮೆ ಮಾಡಲು ಮತ್ತು ಕುಟುಂಬ ಸದಸ್ಯರೊಂದಿಗೆ ಸಂಪರ್ಕ ಸಾಧಿಸಲು, ಮಲಗಲು, ಕಾಲಕಾಲಕ್ಕೆ ಎಬ್ಬಿಸಲು, ಸ್ನಾನ ಮಾಡಲು ಈ ರೊಬೋಟುಗಳು ಸಹಾಯ ಮಾಡುತ್ತವೆ.

ಕೆಲವು ರೋಬೋಟ್‌ಗಳು ಹಿರಿಯರೊಂದಿಗೆ ಮಾತಾಡುವುದಷ್ಟೇ ಅಲ್ಲ, ಅವರಿಗೆ ಕ್ವಿಜ್ ನಲ್ಲಿ ಭಾಗವಹಿಸುವಂತೆ ಪ್ರೇರೇಪಿಸುತ್ತವೆ, ಅವರಿಗೆ ಜೋಕುಗಳನ್ನು ಹೇಳಿ ನಗಿಸುತ್ತವೆ. ಹಾಗಾದರೆ ಹಿರಿಯರ ಆರೈಕೆ ರೋಬೋಟ್‌ಗಳ ಪ್ರಯೋಜನಗಳೇನು? ಅವು ಹಿರಿಯರ ಸ್ವಾಯತ್ತೆಯನ್ನು ಹೆಚ್ಚಿಸುತ್ತವೆ, ಹಿರಿಯರು ತಾವು ತಮ್ಮ ಕೆಲಸಗಳನ್ನು ನಿರ್ವಹಿಸುವಂತಾಗಿದೆ, ಇದರಿಂದ ಆರೈಕೆ ಗಾರರ ಮೇಲಿನ ಶಾರೀರಿಕ ಮತ್ತು ಮಾನಸಿಕ ಒತ್ತಡ ಕಡಿಮೆ ಮಾಡಿದಂತಾಗಿದೆ, ಹಿರಿಯರು ಔಷಧ ಗಳನ್ನು ಸರಿಯಾದ ಸಮಯಕ್ಕೆ ಸೇವಿಸಲು ಅನುಕೂಲವಾಗಿದೆ ಮತ್ತು ಅವರ ಆರೋಗ್ಯ ಸ್ಥಿತಿ ಯನ್ನು ನಿರಂತರವಾಗಿ ಮೌಲ್ಯಮಾಪನ ಮಾಡಲು ಸಹಕಾರಿಯಾಗಿದೆ.

ಈ ರೋಬೋಟ್‌ಗಳು ಎಲ್ಲರಿಗೂ ಲಭ್ಯವಿಲ್ಲ. ಕಾರಣ ಇವು ಬಹಳ ದುಬಾರಿಯಾಗಿದ್ದು, ಎಲ್ಲರೂ ಖರೀದಿಸಲು ಸಾಧ್ಯವಿಲ್ಲ. ಈ ರೋಬೋಟ್‌ಗಳು ಮನುಷ್ಯರ ಹಾಗೆ ಆರೈಕೆ ಮಾಡಲು ಸಾಧ್ಯವಿಲ್ಲ, ಏಕೆಂದರೆ, ಇವುಗಳಿಗೆ ಭಾವನಾತ್ಮಕ ಸಂಪರ್ಕವೇ ಇಲ್ಲ. ತಂತ್ರeನ ಸದಾ ಸರಿಯಾಗಿ ಕಾರ್ಯ ನಿರ್ವಹಿಸುತ್ತದೆಯೇ ಎಂಬ ಪ್ರಶ್ನೆ ಇವುಗಳ ಬಳಕೆ ಬಗ್ಗೆ ಕೆಲವು ಸಂದೇಹಗಳನ್ನು ಮೂಡಿಸು ವಂತಾಗಿದೆ.

ದೊಡ್ಡ ಮಟ್ಟದ ಡೇಟಾ ಸಂಗ್ರಹ ಮತ್ತು ವೈಯಕ್ತಿಕ ಸ್ವಾತಂತ್ರ್ಯಕ್ಕೆ ಸಂಬಂಧಿಸಿದ ಮೌಲ್ಯ ಮಾಪನ ಗಳ ಪ್ರಶ್ನೆ ಆಗಾಗ ಎದುರಾಗುವುದುಂಟು. AI ಆಧಾರಿತ ಸಮರ್ಥ ರೋಬೋಟ್‌ಗಳನ್ನು ಸಹ ಜಪಾನಿನಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ. ಇದರಿಂದ ಬರಲಿರುವ ದಿನಗಳಲ್ಲಿ ಬುದ್ಧಿವಂತ AI ಅನ್ವಯದ ಮೂಲಕ ವೃದ್ಧರ ಅಗತ್ಯಗಳನ್ನು ಇನ್ನಷ್ಟು ತಿಳಿದುಕೊಳ್ಳುವ ರೋಬೋಟ್ ಗಳು ಅಭಿವೃದ್ಧಿಯಾಗಲಿವೆ.

ಹೆಚ್ಚು ಜನರಿಗೆ ಈ ತಂತ್ರಜ್ಞಾನವನ್ನು ತಲುಪಿಸಲು, ಕಡಿಮೆ ದರದಲ್ಲಿ ಲಭ್ಯವಾಗುವ ರೋಬೋಟ್‌ ಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಇಂಟರ್ನೆಟ್ ಆಫ್ ಥಿಂಗ್ಸ್ (IoT) ಸಹಾಯದಿಂದ, ಈ ರೋ ಬೋಟ್‌ಗಳು ಆರೋಗ್ಯ ಮಾಹಿತಿಯನ್ನು ನೇರವಾಗಿ ವೈದ್ಯರಿಗೆ ಕಳಿಸುವ ವ್ಯವಸ್ಥೆಯನ್ನು ಅಳವಡಿಸಲಾಗುತ್ತಿದೆ. ಹಿರಿಯರ ಆರೈಕೆ ರೋಬೋಟ್‌ಗಳು ಜಪಾನಿನಲ್ಲಿ ದೊಡ್ಡ ಪರಿವರ್ತನೆ‌ ಯನ್ನು ತರಲು ಪ್ರಾರಂಭಿಸಿರುವುದು ಸಮಾಧಾನಕರ ಸಂಗತಿಯೇ.

ಇವು ಮನುಷ್ಯರಿಗೆ ಸಂವೇದಿಯಾಗುವ ಮಟ್ಟಕ್ಕೆ ಬೆಳೆಯುತ್ತಿದ್ದು, ಇತರ ರಾಷ್ಟ್ರಗಳಿಗೂ ಮಾದರಿ ಯಾಗಿದೆ. ಜಪಾನ್ ಸರ್ಕಾರ ಮತ್ತು ತಂತ್ರeನ ಸಂಸ್ಥೆಗಳು ಈ ಕ್ಷೇತ್ರದಲ್ಲಿ ಹೆಚ್ಚಿನ ಸಂಶೋಧನೆ ನಡೆಸುತ್ತಿದ್ದು, ಭವಿಷ್ಯದಲ್ಲಿ ತಂತ್ರಜ್ಞಾನ-ಆಧರಿತ ಆರೈಕೆಯು ಇನ್ನಷ್ಟು ಮುಖ್ಯವಾಗಲಿದೆ.