Physical Abuse: ಸಾಲ ಮರುಪಾವತಿಸದಕ್ಕೆ ಬಾಲಕರ ಅಪರಹರಣ; ಬಲವಂತವಾಗಿ ಮೌಖಿಕ ಸಂಭೋಗಕ್ಕೆ ಒತ್ತಾಯ

ಮುಂಬೈ: ಸಾಲ ಪಡೆದ ಹಣವನ್ನು ಮರುಪಾವತಿ ಮಾಡದ ಕಾರಣ (Physical Abuse) ಇಬ್ಬರು ಹದಿಹರೆಯದ ಬಾಲಕರನ್ನು ಅಪಹರಿಸಿ ಹಲ್ಲೆ ನಡೆಸಿ, ಮೌಖಿಕ ಸಂಭೋಗಕ್ಕೆ ಒತ್ತಾಯಿಸಿದ ಘಟನೆ ಮಹಾರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ. ಕಿರುಕುಳ ನೀಡಿದ್ದಲ್ಲದೇ ಇಡೀ ಕೃತ್ಯವನ್ನು ನಾಲ್ವರು ಪುರುಷರು ಚಿತ್ರೀಕರಿಸಿದ್ದಾರೆ ಎಂದು ಆರೋಪಿಸಲಾಗಿದೆ. ಪ್ರಮುಖ ಆರೋಪಿ ದಿಲೀಪ್ ಗೋಸ್ವಾಮಿಯನ್ನು ಬಂಧಿಸಲಾಗಿದ್ದು, ಉಳಿದ ಮೂವರು ಆರೋಪಿಗಳು ಪರಾರಿಯಾಗಿದ್ದಾರೆ. ಓರ್ವ ಬಾಲಕನ ತಾಯಿ ತನ್ನ ಮಗನೊಂದಿಗೆ ದಕ್ಷಿಣ ಮುಂಬೈನಲ್ಲಿ ಪೊಲೀಸರನ್ನು ಸಂಪರ್ಕಿಸಿ ಔಪಚಾರಿಕ ದೂರು ದಾಖಲಿಸಿದಾಗ ಈ ಘಟನೆ ಬೆಳಕಿಗೆ ಬಂದಿದೆ.

ಬಾಲಕ ಪೊಲೀಸರಿಗೆ ನಡೆದ ಘಟನೆಯನ್ನು ವಿವರಿಸಿ, ಪ್ರಮುಖ ಆರೋಪಿಯು ತನ್ನನ್ನು ಮತ್ತು ತನ್ನ 19 ವರ್ಷದ ಸ್ನೇಹಿತನನ್ನು ತನ್ನೊಂದಿಗೆ ಬರುವಂತೆ ಆಮಿಷವೊಡ್ಡಿದ್ದನು ಮತ್ತು ಕಳೆದ ಶುಕ್ರವಾರ ಈ ಅಪಹರಣ ನಡೆದಿತ್ತು ಎಂದು ಹೇಳಿದ್ದಾನೆ. ನಂತರ ಅವರಿಬ್ಬರನ್ನೂ ಕಾರಿನಲ್ಲಿ ಪುಣೆಗೆ ಕರೆದೊಯ್ಯಲಾಯಿತು ಮತ್ತು ದಾರಿಯಲ್ಲಿ ಆರೋಪಿಗಳಾದ ದಿಲೀಪ್ ಗೋಸ್ವಾಮಿ, ಪಂಜುಭಾಯಿ ಗೋಸ್ವಾಮಿ, ಧೀರಜ್ ಮತ್ತು ಭರತ್ ಅವರು ಪದೇ ಪದೇ ಹಲ್ಲೆ ನಡೆಸಿದರು ಎಂದು ಬಾಲಕ ಆರೋಪಿಸಿದ್ದಾನೆ.

ನಂತರ, ಇಬ್ಬರನ್ನೂ ಮುಂಬೈಗೆ ಮರಳಿ ಕರೆತಂದು ಭುಲೇಶ್ವರ ಪ್ರದೇಶದ ಕಚೇರಿಗೆ ಕರೆದೊಯ್ದು, ಬೆಲ್ಟ್‌ಗಳಿಂದ ಹೊಡೆದು, ಆರೋಪಿಗಳ ಮೇಲೆ ಬಲವಂತವಾಗಿ ಮೌಖಿಕ ಸಂಭೋಗ ನಡೆಸಲಾಗಿದೆ ಎಂದು ಆರೋಪಿಸಲಾಗಿದೆ. ಆರೋಪಿಗಳು ಇಡೀ ಘಟನೆಯನ್ನು ವಿಡಿಯೋ ಮಾಡಿದ್ದಾರೆ. ಶೀಘ್ರದಲ್ಲೇ ಹಣವನ್ನು ಹಿಂದಿರುಗಿಸುವುದಾಗಿ ಭರವಸೆ ನೀಡಿದ ನಂತರವೇ ಆರೋಪಿಗಳು ತನ್ನನ್ನು ಮತ್ತು ತನ್ನ ಸ್ನೇಹಿತನನ್ನು ಬಿಡುಗಡೆ ಮಾಡಿದ್ದಾರೆ ಎಂದು ಬಾಲಕ ತನ್ನ ದೂರಿನಲ್ಲಿ ತಿಳಿಸಿದ್ದಾನೆ. ಬಾಲಕನ ತಾಯಿ ನೀಡಿದ ದೂರಿನ ಆಧಾರದ ಮೇಲೆ, ಪೊಲೀಸರು ದಿಲೀಪ್ ಗೋಸ್ವಾಮಿಯನ್ನು ಬಂಧಿಸಿ, ಆತನ ಮೂವರು ಸಹಚರರನ್ನು ಪತ್ತೆಹಚ್ಚಲು ಶೋಧ ನಡೆಸಿದ್ದಾರೆ, ಅವರು ಇನ್ನೂ ತಲೆಮರೆಸಿಕೊಂಡಿದ್ದಾರೆ.

ಈ ಸುದ್ದಿಯನ್ನೂ ಓದಿ: Self Harming: ಶಿಕ್ಷಕನಿಂದ ಲೈಂಗಿಕ ಕಿರುಕುಳ: ಮನನೊಂದು ಆತ್ಮಹತ್ಯೆಗೆ ಶರಣಾದ 14 ವರ್ಷದ ವಿದ್ಯಾರ್ಥಿನಿ: ಡೆತ್‌ ನೋಟ್‌ನಲ್ಲಿ ಏನಿದೆ?

ಪ್ರತ್ಯೇಕ ಘಟನೆಯಲ್ಲಿ, ಹದಿನಾರು ವರ್ಷ ವಯಸ್ಸಿನ ವಿದ್ಯಾರ್ಥಿಯೊಬ್ಬನ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ಆರೋಪದಲ್ಲಿ ಮುಂಬೈನ ಪ್ರತಿಷ್ಠಿತ ಶಾಲೆಯೊಂದರ 40 ವರ್ಷ ವಯಸ್ಸಿನ ಶಿಕ್ಷಕಿಯನ್ನು ಬಂಧಿಸಲಾಗಿದೆ. ಆಕೆಯ ವಿರುದ್ಧ ಪೋಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಶಿಕ್ಷಕಿಯ ಲೈಂಗಿಕ ಕಿರುಕುಳದ ಕುರಿತು ಸಂತ್ರಸ್ತ ವಿದ್ಯಾರ್ಥಿಯು ದೂರು ನೀಡಿದ ಬಳಿಕ ಪ್ರಕರಣ ಬೆಳಕಿಗೆ ಬಂದಿದೆ. ಆಬಳಿಕ ಸಂತ್ರಸ್ತ ವಿದ್ಯಾರ್ಥಿಯ ಕುಟುಂಬಿಕರು ದೂರು ದಾಖಲಿಸಿದ್ದರು.