Vastu tips: ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ಕೊಡಬಹುದೇ?
ಯಾವುದನ್ನು ಉಡುಗೊರೆಯಾಗಿ ನೀಡಬೇಕು ಮತ್ತು ಯಾವುದನ್ನು ನೀಡಬಾರದು ಎಂಬುದನ್ನು ವಾಸ್ತು ಶಾಸ್ತ್ರವು ವಿವರವಾಗಿ ವಿವರಿಸುತ್ತದೆ. ಇದರಲ್ಲಿ ಗಾಜಿನ ವಸ್ತುಗಳ ಕುರಿತು ಉಲ್ಲೇಖವಿದೆ. ವಾಸ್ತು ನಿಯಮಗಳ (Vastu tips) ಪ್ರಕಾರ ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದು ಸರಿಯೋ ತಪ್ಪೋ ಎಂಬುದರ ಕುರಿತು ವಾಸ್ತು ಶಾಸ್ತ್ರಜ್ಞರಾದ ರಾಧಾಕಾಂತ್ ವತ್ಸ್ ಅವರು ಹೇಳುವುದು ಹೀಗೆ..
Vishwavani News
Dec 2, 2024 6:59 AM
ಯಾರಿಗಾದರೂ ಉಡುಗೊರೆ (gift glass items) ಕೊಡಬೇಕು ಎಂದುಕೊಳ್ಳುವಾಗ ನೆನಪಿಗೆ ಬರುವುದು ಗಾಜಿನ ವಸ್ತುಗಳು ( glass items). ಎಲ್ಲರ ಮನ ಸೆಳೆಯುವ ಗಾಜಿನ ವಸ್ತುಗಳನ್ನು ವಾಸ್ತು ನಿಯಮಗಳ (Vastu tips) ಪ್ರಕಾರ ಉಡುಗೊರೆಯಾಗಿ ನೀಡುವುದು ಸರಿಯೇ? ಈ ಪ್ರಶ್ನೆಯಂತೂ ಕಾಡುತ್ತದೆ. ಆದರೆ ನಾವು ಆ ಬಗ್ಗೆ ಹೆಚ್ಚು ಯೋಚಿಸಲು ಹೋಗುವುದಿಲ್ಲ. ಯಾಕೆಂದರೆ ಗಾಜಿನ ವಸ್ತುಗಳು ಬಹುತೇಕ ಎಲ್ಲರಿಗೂ ಪ್ರಿಯವಾಗುತ್ತದೆ.
ಹೆಚ್ಚಿನವರು ಯಾವುದೋ ಸಮಯದಲ್ಲಿ ಯಾರಿಗಾದರೂ ಉಡುಗೊರೆಯನ್ನು ನೀಡಿರುವಾಗ ಗಾಜಿಗೆ ಸಂಬಂಧಿಸಿದ ಏನನ್ನಾದರೂ ಕೊಟ್ಟಿರಬೇಕು ಅಥವಾ ಪಡೆದಿರಬೇಕು. ಆದರೆ ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದು ಅಥವಾ ಪಡೆಯುವುದು ಸರಿಯೇ ಎನ್ನುವ ಪ್ರಶ್ನೆಯಂತೂ ಮನದಲ್ಲಿ ಒಮ್ಮೆಯಾದರೂ ಎದ್ದಿರುತ್ತದೆ.
ಯಾವುದನ್ನು ಉಡುಗೊರೆಯಾಗಿ ನೀಡಬೇಕು ಮತ್ತು ಯಾವುದನ್ನು ನೀಡಬಾರದು ಎಂಬುದನ್ನು ವಾಸ್ತು ಶಾಸ್ತ್ರವು ವಿವರವಾಗಿ ವಿವರಿಸುತ್ತದೆ. ಇದರಲ್ಲಿ ಗಾಜಿನ ವಸ್ತುಗಳ ಕುರಿತು ಉಲ್ಲೇಖವಿದೆ. ವಾಸ್ತು ನಿಯಮಗಳ ಪ್ರಕಾರ ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದು ಸರಿಯೋ ತಪ್ಪೋ ಎಂಬುದರ ಕುರಿತು ವಾಸ್ತು ಶಾಸ್ತ್ರಜ್ಞರಾದ ರಾಧಾಕಾಂತ್ ವತ್ಸ್ ಅವರು ಹೇಳುವುದು ಹೀಗೆ..
ಸಾಮಾನ್ಯವಾಗಿ ಯಾರಿಗಾದರೂ ಉಡುಗೊರೆಗಳನ್ನು ನೀಡುವಾಗ ಗಾಜಿನ ಪಾತ್ರೆಗಳು, ಸ್ಫಟಿಕ ಹೂದಾನಿಗಳು, ವಿನ್ಯಾಸಕ ಕನ್ನಡಿಗಳಂತಹ ಗಾಜಿನ ವಸ್ತುಗಳನ್ನು ಆಯ್ಕೆ ಮಾಡುತ್ತಾರೆ. ಒಂದು ಕಡೆ ಅಂತಹ ವಸ್ತುಗಳನ್ನು ಉಡುಗೊರೆಯಾಗಿ ನೀಡಲು ಉತ್ತಮವೆಂದು ಪರಿಗಣಿಸಲಾಗುತ್ತದೆ. ಯಾಕೆಂದರೆ ಅವುಗಳು ಸುಂದರವಾಗಿ ಕಾಣುತ್ತವೆ ಮತ್ತು ಉಪಯುಕ್ತವಾಗಿರುತ್ತವೆ. ಮತ್ತೊಂದೆಡೆ ವಾಸ್ತು ಶಾಸ್ತ್ರವು ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದು ಸರಿಯಲ್ಲ ಎನ್ನುತ್ತದೆ.
ಪ್ರತಿಯೊಂದು ಲೋಹವೂ ಕೆಲವು ಪ್ರವೃತ್ತಿಯನ್ನು ಪ್ರತಿನಿಧಿಸುತ್ತದೆ. ಅಂತೆಯೇ, ಗಾಜು ಒಡೆಯುವಿಕೆಯನ್ನು ಪ್ರತಿನಿಧಿಸುತ್ತದೆ. ಗಾಜು ಸ್ವಲ್ಪ ಎಚ್ಚರ ತಪ್ಪಿದರೂ ಸುಲಭವಾಗಿ ಒಡೆಯುತ್ತದೆ. ಇದಲ್ಲದೆ, ಸಮಯದೊಂದಿಗೆ ಗಾಜಿನ ಮೇಲೆ ಗುರುತುಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಗಾಜಿನ ಈ ಪ್ರವೃತ್ತಿಯು ಕುಟುಂಬದ ಮೇಲೆ ಆಳವಾದ ಪ್ರಭಾವವನ್ನು ಬೀರುತ್ತದೆ.
ವಾಸ್ತು ಶಾಸ್ತ್ರದ ಪ್ರಕಾರ ಗಾಜಿನ ವಸ್ತುಗಳನ್ನು ಯಾರಿಗಾದರೂ ಉಡುಗೊರೆಯಾಗಿ ನೀಡಿದರೆ ಗಾಜಿನ ಪ್ರಭಾವದಿಂದ ಕುಟುಂಬ ಸದಸ್ಯರ ನಡುವಿನ ಸಂಬಂಧಗಳು ದುರ್ಬಲವಾಗುತ್ತವೆ ಮತ್ತು ಸಣ್ಣ ವಿವಾದವೂ ಸಂಬಂಧವನ್ನು ಮುರಿಯಬಹುದು.
ವಾಸ್ತು ಶಾಸ್ತ್ರದಲ್ಲಿ, ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದರಿಂದ ಕೊಡುವವರ ಮತ್ತು ಸ್ವೀಕರಿಸುವವರ ತೊಂದರೆಗಳು ಹೆಚ್ಚಾಗುತ್ತವೆ ಎನ್ನಲಾಗುತ್ತದೆ.
Vastu Tips: ಮನೆಗೆ ಸಕಾರಾತ್ಮಕತೆ, ಸಮೃದ್ಧಿ ತರುವ ಗಾಜು ಎಲ್ಲಿದ್ದರೆ ಸೂಕ್ತ?
ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದರಿಂದ ಕುಟುಂಬದಲ್ಲಿ ಅಶಾಂತಿ ಹೆಚ್ಚಾಗುತ್ತದೆ ಮತ್ತು ಅಶುಭ ಫಲಗಳು ಮನೆಗೆ ಪ್ರವೇಶಿಸ ತೊಡಗುತ್ತವೆ. ಗಾಜಿನ ವಸ್ತುಗಳನ್ನು ಉಡುಗೊರೆಯಾಗಿ ನೀಡುವ ಇನ್ನೊಂದು ಪ್ರಮುಖ ಪರಿಣಾಮವೆಂದರೆ ಇದು ನಕಾರಾತ್ಮಕ ಶಕ್ತಿಯನ್ನು ಬಹುಬೇಗನೆ ಸೆಳೆಯುತ್ತವೆ