Hug Day 2025: ವ್ಯಾಲೆಂಟೈನ್ಸ್ ವೀಕ್‌ನಲ್ಲಿ ಇಂದು ಹಗ್ ಡೇ ಸಂಭ್ರಮ; ಈ ದಿನದ ವಿಶೇಷತೆ ಏನು ಗೊತ್ತಾ...?

ಬೆಂಗಳೂರು, ಫೆ.12: ಇಂದು ವ್ಯಾಲೆಂಟೀನ್ ವಾರದ ಆರನೇ ದಿನ... ರೋಸ್ ಡೇ, ಪ್ರಪೋಸ್ ಡೇ, ಚಾಕಲೇಟ್ ಡೇ, ಟೆಡ್ಡಿ ಡೇ ಮತ್ತು ಪ್ರಾಮಿಸ್ ಡೇ ಹೀಗೆ ವ್ಯಾಲೆಂಟೀನ್ ವಾರದ ಐದು ದಿನಗಳ ಖುಷಿಯನ್ನು ಆಚರಿಸಿದ ಪ್ರೇಮಿಗಳು ಇಂದು ಹಗ್ ಡೇಯನ್ನು ಸೆಲೆಬ್ರೇಟ್ ಮಾಡುತ್ತಾರೆ. ಅಪ್ಪುಗೆಯ ಮೂಲಕ ನಮ್ಮ ಪ್ರೀತಿಪಾತ್ರರ ಕಡೆಗೆ ಪ್ರೀತಿ ಮತ್ತು ವಾತ್ಸಲ್ಯವನ್ನು ವ್ಯಕ್ತಪಡಿಸುವ ದಿನವಾಗಿದೆ. ಅಪ್ಪುಗೆಯು ಯಾವುದೇ ಪದಗಳನ್ನು ಬಳಸದೆ ಯಾರಿಗಾದರೂ ಪ್ರೀತಿ ಮತ್ತು ಕಾಳಜಿಯನ್ನು ವ್ಯಕ್ತಪಡಿಸುವ ಒಂದು ಮಾರ್ಗವಾಗಿದೆ. ಇಂತಹ ಒಂದು ಉತ್ತಮ ಭಾವನೆಯನ್ನು ಹಂಚಿಕೊಳ್ಳಲು ಆಚರಿಸುವ ದಿನವೇ ಹಗ್ ಡೇ/ ಅಪ್ಪುಗೆಯ ದಿನ.

ಮನಸ್ಸಿಗೆ ದುಃಖವಾದಾಗ ಅಥವಾ ಅತೀವ ಸಂತೋಷವಾದಾಗ ನಮ್ಮ ಪ್ರೀತಿಪಾತ್ರರನ್ನು ತಬ್ಬಿಕೊಂಡರೆ ಸಾಕು. ಮನಸ್ಸಿಗೆ ಏನೋ ಒಂದು ಬಗೆಯ ನಿರಾಳತೆ ಹಾಗೂ ಸಮಾಧಾನ ಉಂಟಾಗುವುದು. ಅದೇ ರೀತಿ ನಾವು ಬಯಸುವ ವ್ಯಕ್ತಿಯು ನಮ್ಮ ಪ್ರೀತಿಯನ್ನು ಒಪ್ಪಿಕೊಂಡು, ತಬ್ಬಿಕೊಂಡರೆ ಜೀವನವು ಸಂತೋಷವಾಗಿ ಸಾಗುವುದು. ಈ ರೀತಿಯ ಒಂದು ಉತ್ತಮ ಭಾವನೆ ಹಾಗೂ ಸಂಬಂಧಗಳನ್ನು ಗಟ್ಟಿಗೊಳಿಸುವ ಪರಿಯನ್ನು ಒಂದು ವಿಶೇಷ ದಿನವನ್ನಾಗಿ ಆಚರಿಸಲಾಗುವುದು. ಅದನ್ನೇ ಹಗ್ ಡೇ ಎಂದು ಕರೆಯುತ್ತಾರೆ. ಪ್ರೇಮಿಗಳ ದಿನದ ಆಚರಣೆಗೆ 2 ದಿನ ಮುಂಚಿತವಾಗಿ ಹಗ್ ಡೇ ಅನ್ನು ಆಚರಿಸಲಾಗುವುದು. ಇದನ್ನು ಪ್ರತಿ ವರ್ಷ ಫೆಬ್ರುವರಿ 12ರಂದು ಆಚರಿಸಲಾಗುತ್ತದೆ.

ಈ ಸುದ್ದಿಯನ್ನು ಓದಿ: Valentine’s Season Kurta Fashion 2025: ವ್ಯಾಲೆಂಟೈನ್ಸ್ ವೀಕ್ ಸೀಸನ್‌ನಲ್ಲಿ ಟ್ರೆಂಡಿಯಾದ ಕುರ್ತಾಗಳಿವು

ಆಚರಣೆ ಮಾಡುವುದರ ಮಹತ್ವ

ಬೆಚ್ಚಗಿನ ಅಪ್ಪುಗೆಯ ಮೂಲಕ ನಮ್ಮ ಪ್ರೀತಿಪಾತ್ರರ ಕಡೆಗೆ ಪ್ರೀತಿ ಮತ್ತು ವಾತ್ಸಲ್ಯವನ್ನು ವ್ಯಕ್ತಪಡಿಸುವ ದಿನವಾಗಿದೆ. ಅಪ್ಪುಗೆಯು ಯಾವುದೇ ಪದಗಳನ್ನು ಬಳಸದೆ ಯಾರಿಗಾದರೂ ಪ್ರೀತಿ ಮತ್ತು ಕಾಳಜಿಯನ್ನು ತೋರಿಸುವ ಸರಳ ಕ್ರಿಯೆಯಾಗಿದೆ. ತಬ್ಬಿಕೊಂಡ ಭಾವನೆಯು ಒಬ್ಬನು ಹೊಂದಬಹುದಾದ ಅತ್ಯಂತ ಆರಾಮದಾಯಕ ಅನುಭವಗಳಲ್ಲಿ ಒಂದಾಗಿದೆ. ಹಗ್ ಡೇ ಎನ್ನುವುದು ದೈಹಿಕ ಸ್ಪರ್ಶದ ಮೂಲಕ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಲು ಇರುವ ವಿಶೇಷ ದಿನವಾಗಿದೆ. ನಮ್ಮ ಜೀವನದಲ್ಲಿ ಅಪ್ಪುಗೆಯ ಪ್ರಾಮುಖ್ಯತೆಯನ್ನು ಮತ್ತು ನಾವು ಪ್ರೀತಿಸುವವರಿಗೆ ಅವರು ಹೇಗೆ ಸಾಂತ್ವನ, ಸಂತೋಷ ಮತ್ತು ಶಾಂತಿಯನ್ನು ತರಬಹುದು ಎಂಬುದನ್ನು ಜನರಿಗೆ ನೆನಪಿಸುವ ದಿನವಾಗಿದೆ. ಅಪ್ಪುಗೆಗಳು ಪ್ರೀತಿಯನ್ನು ಸಂವಹಿಸಲು ಪ್ರಬಲವಾದ ಮಾರ್ಗವಾಗಿದೆ ಮತ್ತು ದೈಹಿಕ ಮತ್ತು ಭಾವನಾತ್ಮಕ ಯೋಗಕ್ಷೇಮಕ್ಕೂ ಉತ್ತಮವಾಗಿದೆ. ಅಪ್ಪುಗೆಯ ಶಕ್ತಿಯನ್ನು ಕಡಿಮೆ ಅಂದಾಜು ಮಾಡಲು ಸಾಧ್ಯವಿಲ್ಲ. ಅಪ್ಪುಗೆಯು ಆಕ್ಸಿಟೋಸಿನ್ ಅನ್ನು ಬಿಡುಗಡೆ ಮಾಡುತ್ತದೆ. ಇದು ಒತ್ತಡ, ಆತಂಕ ಮತ್ತು ಖಿನ್ನತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ರಕ್ತದೊತ್ತಡವನ್ನು ಕಡಿಮೆ ಮಾಡಲು ಮತ್ತು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತಾರೆ. ಇದರಿಂದಾಗಿ ನಾವು ಹೆಚ್ಚು ವಿಶ್ರಾಂತಿ ಮತ್ತು ನವ ಯೌವನ ಪಡೆಯುತ್ತೇವೆ. ಅಪ್ಪುಗೆಯು ಪ್ರೀತಿ, ಸಾಂತ್ವನ ಮತ್ತು ಬೆಂಬಲವನ್ನು ವ್ಯಕ್ತಪಡಿಸುವ ಮೌಖಿಕ ಮಾರ್ಗವಾಗಿದೆ. ಇದು ಸರಳವಾದ ಗೆಸ್ಚರ್ ಆಗಿರುವುದರಿಂದ ಜೀವನದ ಮೇಲೆ ದೊಡ್ಡ ಪರಿಣಾಮ ಬೀರಬಹುದು. ನೀವು ಕಾಳಜಿವಹಿಸುವ ವ್ಯಕ್ತಿಗೆ ತೋರಿಸಬಹುದಾದ ಸರಳವಾದ ಪ್ರೀತಿ ಮಾರ್ಗವಾಗಿದೆ.

ಇನ್ನು ಪ್ರೇಮಿಗಳ ದಿನ ಹಾಗೂ ಪ್ರೇಮಿಗಳ ವಾರದ ಆಚರಣೆಗಳು ವಿವಿಧ ರಾಷ್ಟ್ರಗಳಲ್ಲಿ ಭಿನ್ನವಾಗಿ ಆಚರಿಸುತ್ತಾರೆ. ಕೆಲವು ರಾಷ್ಟ್ರಗಳಲ್ಲಿ ಪ್ರೇಮಿಗಳ ದಿನದಂದು ಪ್ರೇಮಿಗಳು ಸಾರ್ವಜನಿಕವಾಗಿ ಮುಕ್ತವಾಗಿ ತಬ್ಬಿಕೊಳ್ಳುವುದರ ಮೂಲಕ ಪ್ರೀತಿಯ ಒಪ್ಪಿಗೆಯನ್ನು ವ್ಯಕ್ತ ಪಡಿಸುತ್ತಾರೆ. ಕೆಲವು ರಾಷ್ಟ್ರಗಳಲ್ಲಿ ಪ್ರೀತಿ ಹಾಗೂ ತಬ್ಬಿಕೊಳ್ಳುವುದನ್ನು ಅತ್ಯಂತ ವೈಯಕ್ತಿಕ ಹಾಗೂ ಖಾಸಗಿ ಪ್ರದೇಶದಲ್ಲಿ ನಡೆಸುತ್ತಾರೆ. ಹಾಗಾಗಿ ಆಯಾ ದೇಶದ ಸಂಸ್ಕೃತಿ ಹಾಗೂ ಪದ್ಧತಿಗಳ ಅನುಸಾರವಾಗಿ ಪ್ರೇಮಿಗಳ ದಿನವನ್ನು ಆಚರಿಸುವರು. ನಮ್ಮ ದೇಶದಲ್ಲಿ ಪರವಾನಗಿ ಇಲ್ಲದೆ ಸಾರ್ವಜನಿಕ ಪ್ರದೇಶದಲ್ಲಿ ತಬ್ಬಿಕೊಳ್ಳುವುದು ಅಥವಾ ತಮ್ಮ ಭಾವನೆಗಳನ್ನು ಒಪ್ಪಿಕೊಳ್ಳುವಂತೆ ಒತ್ತಾಯ ಪೂರ್ವಕವಾಗಿ ತಬ್ಬಿಕೊಳ್ಳುವುದನ್ನು ನಿಷೇಧ. ಹಾಗಾಗಿ ಈ ವಿಶೇಷ ದಿನದಂದು ನೀವು ನಿಮ್ಮ ಪ್ರೀತಿ ಪಾತ್ರರೊಂದಿಗೆ ಆಚರಣೆಯನ್ನು ಮಾಡುವ ಹಂಬಲದಲ್ಲಿ ಇದ್ದರೆ ಮೊದಲು ನಿಮ್ಮ ಪ್ರೀತಿ ಹಾಗೂ ಭಾವನೆಗಳನ್ನು ಹಂಚಿಕೊಳ್ಳಿ. ಅವರ ಒಪ್ಪಿಗೆ ಹಾಗೂ ಸಹಕಾರ ಇದ್ದಾಗ ಒಂದು ಕ್ಷಣದ ಅಪ್ಪುಗೆಯ ಮೂಲಕ ಒಪ್ಪಿಗೆಯನ್ನು ತಿಳಿಸಬಹುದು.