Indian-origin Man: ಅಮೆರಿಕದಲ್ಲಿ ಭಾರತೀಯ ಮೂಲದ ವ್ಯಕ್ತಿಯಿಂದ ಜನಾಂಗೀಯ ನಿಂದನೆ: ವಿಡಿಯೊ ವೈರಲ್

ಡಲ್ಲಾಸ್: ಅಮೆರಿಕದ (America) ಡಲ್ಲಾಸ್‌ನ (Dallas) ಮಾಕ್ಸೀಸ್ ರೆಸ್ಟೋರೆಂಟ್‌ನಲ್ಲಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬ (Indian-origin Man) ಕಪ್ಪು ಬಣ್ಣದ ಮಹಿಳೆಯ ವಿರುದ್ಧ ಪದೇಪದೇ ಜನಾಂಗೀಯ ನಿಂದನೆಯ (Racial) ‘ಎನ್-ವರ್ಡ್’ ಬಳಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಆರೋಪಿಯಾದ ಸ್ಟಾನ್ಲಿ ಥಾಮಸ್, ಎಚ್ಚರಿಕೆ ನೀಡಿದರೂ ಪದವನ್ನು ಬಳಸಿ, ನಾನು 20% ಕಪ್ಪುಇರುವುದಕ್ಕೆ ಗರ್ವ ಪಡುತ್ತೇನೆ ಎಂದು ಹೇಳಿದ್ದಾನೆ.

ಮಹಿಳೆಯೇ ಈ ಘಟನೆಯನ್ನು ರೆಕಾರ್ಡ್ ಮಾಡಿದ್ದು, ವಿಡಿಯೋವನ್ನು ಏರ್‌ಡ್ರಾಪ್ ಮಾಡುವಂತೆ ಸ್ಟಾನ್ಲಿ ಕೇಳಿದ್ದಾನೆ. ಈ ವಿಡಿಯೋವನ್ನು ತನ್ನ ಭಾರತೀಯ ಸ್ನೇಹಿತರಿಗೆ ಶೇರ್ ಮಾಡಿ ಹೇಗೆ ಎನ್-ವರ್ಡ್ ಬಳಕೆ ಮಾಡಬೇಕೆಂಬುದನ್ನು ತಿಳಿಸುತ್ತೇನೆ ಎಂದು ಹೇಳಿದ್ದಾನೆ. ವಿಡಿಯೋ ವೈರಲ್ ಆಗಲಿದೆ ಎಂದು ಎಚ್ಚರಿಸಿದರೂ, ಸ್ಟಾನ್ಲಿ ನಿಂದನೆಯನ್ನು ಮುಂದುವರೆಸಿ, ತನ್ನ ಹೆಸರನ್ನು ಕ್ಯಾಮೆರಾದಲ್ಲಿ ಬಹಿರಂಗಪಡಿಸಿದ್ದಾನೆ. “ನನ್ನ ಹೆಸರು ಸ್ಟಾನ್ಲಿ ಥಾಮಸ್. 20% ಕಪ್ಪಿದ್ದೇನೆ, ನಾನು ಯಾವಾಗಲೂ ಎನ್-ವರ್ಡ್ ಬಳಸುತ್ತೇನೆ. ನಿಗ್ಗರ್, ನಿಗ್ಗರ್” ಎಂದು ವಿಡಿಯೋದಲ್ಲಿ ಆತ ಹೇಳಿದ್ದಾನೆ.

ವೈರಲಾಗುತ್ತಿರುವ ವಿಡಿಯೊ ಇಲ್ಲಿದೆ

ನಾನು 20% ಕಪ್ಪುಇರುವುದರಿಂದ ಈ ಪದವನ್ನು ಬಳಸಲು ಅರ್ಹನೆಂದು ಸ್ಟಾನ್ಲಿ ವಾದಿಸಿದ್ದಾನೆ. ಆತ ಭಾರತದ ಆಫ್ರಿಕನ್ ಮೂಲದ ಸಿದ್ದಿ ಸಮುದಾಯಕ್ಕೆ ಸೇರಿದವನೆಂದು ವಿವರಿಸಿದ್ದಾನೆ. ವಿಡಿಯೋ ವೈರಲ್ ಆದ ನಂತರ, ನೆಟ್ಟಿಗರು ಆತನನ್ನು ತೀವ್ರವಾಗಿ ಟೀಕಿಸಿದ್ದಾರೆ. ಆತನ ಫೇಸ್‌ಬುಕ್ ಪ್ರೊಫೈಲ್‌ನಲ್ಲಿ ಕ್ರಿಸ್ಟಸ್ ಹೆಲ್ತ್‌ನಲ್ಲಿ ಹಿರಿಯ ವ್ಯಾಪಾರ ವಿಶ್ಲೇಷಕನಾಗಿ ಕೆಲಸ ಮಾಡುತ್ತಿದ್ದಾನೆ ಎಂದು ತಿಳಿದುಬಂದಿದೆ.

ಈ ಸುದ್ದಿಯನ್ನೂ ಓದಿ: Viral News: ಸೋನಮ್, ಮುಸ್ಕಾನ್ ರೀತಿ ಕೊಲೆ ಮಾಡ್ತೇನೆ... ಅಕ್ರಮ ಸಂಬಂಧ ಪ್ರಶ್ನಿಸಿದ ಗಂಡನಿಗೆ ಪತ್ನಿಯಿಂದ ಧಮ್ಕಿ

ಕ್ರಿಸ್ಟಸ್ ಹೆಲ್ತ್ ಕಂಪನಿಯು ವೈರಲ್ ವಿಡಿಯೋಗೆ ಪ್ರತಿಕ್ರಿಯಿಸಿ, ಸ್ಟಾನ್ಲಿಯನ್ನು ನಮ್ಮ ಉದ್ಯೋಗಿಯಲ್ಲ ಎಂದು ಸ್ಪಷ್ಟಪಡಿಸಿದೆ. “ಈ ವಿಷಯವನ್ನು ನಮ್ಮ ಗಮನಕ್ಕೆ ತಂದಿದ್ದಕ್ಕೆ ಧನ್ಯವಾದಗಳು. ಆತ ಕ್ರಿಸ್ಟಸ್ ಹೆಲ್ತ್‌ನ ಸಹಾಯಕನಲ್ಲ. ಈ ವರ್ತನೆಯನ್ನು ನಾವು ಸಮರ್ಥಿಸುವುದಿಲ್ಲ, ಇದು ನಮ್ಮ ಧ್ಯೇಯ ಮತ್ತು ಮೌಲ್ಯಗಳಿಗೆ ಸಮಂಜಸವಲ್ಲ” ಎಂದು ಕಂಪನಿಯು ಎಕ್ಸ್‌ನಲ್ಲಿ ಹೇಳಿದೆ. ನೆಟ್ಟಿಗರು ಎನ್-ವರ್ಡ್ ಬಳಕೆ ಮಾಡಿದ್ದಕ್ಕಾಗಿ ಸ್ಟಾನ್ಲಿಯನ್ನು ಖಂಡಿಸಿದ್ದಾರೆ.