Viral Video: ಟಿಕ್‍ಟಾಕ್‍ ವಿಡಿಯೋಗಾಗಿ ರೋಗಿಯ ಜೊತೆ ಅಸಭ್ಯವಾಗಿ ಡ್ಯಾನ್ಸ್ ಮಾಡಿದ ನರ್ಸ್; ವಿಡಿಯೊ ನೋಡಿ

ಟಿಬಿಲಿಸಿ: ರೋಗಿಗಳ ಆರೈಕೆ ಮಾಡುವುದು ನರ್ಸ್‍ಗಳ ಕರ್ತವ್ಯವಾಗಿದೆ. ಆದರೆ ಇಲ್ಲೊಬ್ಬಳು ನರ್ಸ್ ಅಂಗವಿಕಲ ರೋಗಿಯ ಜೊತೆ ಅನುಚಿತವಾಗಿ ಡ್ಯಾನ್ಸ್ ಮಾಡುತ್ತಾ ಟಿಕ್‍ಟಾಕ್‍ ವಿಡಿಯೊಗಳನ್ನು ಮಾಡಿದ್ದಾಳೆ. ಈ ಆಘಾತಕಾರಿ ವಿಡಿಯೊ ಜಾರ್ಜಿಯಾದ ಸೋಶಿಯಲ್ ಮೀಡಿಯಾ ಪ್ಲಾಟ್‍ಫಾರ್ಮ್‍ಗಳಲ್ಲಿ ವೈರಲ್(Viral Video) ಆಗಿದೆ. ಸದ್ಯ ಪೊಲೀಸರು ಆಕೆಯನ್ನು ಬಂಧಿಸಿದ್ದಾರೆ.

19 ವರ್ಷದ ಲುಕ್ರೇಸಿಯಾ ಕೊರ್ಮಾಸ್ಸಾ ಕೊಯಿಯಾನ್‌ ಎಂಬ ಮಹಿಳೆ ಈ ಕೃತ್ಯವನ್ನು ಎಸಗಿದ್ದಾಳೆ. ವಿಡಿಯೊದ ಬಗ್ಗೆ ಲೋಗನ್ವಿಲ್ಲೆ ಪೊಲೀಸ್ ಇಲಾಖೆಗೆ ಎಚ್ಚರಿಕೆ ನೀಡಲಾಗಿತ್ತು. ತನಿಖೆಯ ನಂತರ, ಅಧಿಕಾರಿಗಳು ಜನವರಿ 28 ರಂದು ಸರ್ಚ್ ವಾರಂಟ್ ಜಾರಿಗೊಳಿಸಿದರು, ಇದು ನರ್ಸ್ ಬಂಧನಕ್ಕೆ ಕಾರಣವಾಯಿತು. ನಂತರ ಆಕೆಯನ್ನು ವಾಲ್ಟನ್ ಕೌಂಟಿ ಜೈಲಿಗೆ ಕಳುಹಿಸಲಾಗಿದೆ.

ವಿಡಿಯೊದಲ್ಲಿ, ಆಕೆ ಕುರ್ಚಿ ಮೇಲೆ ಕುಳಿತಿರುವ ಅಂಗವಿಕಲ ರೋಗಿಯ ಜೊತೆ ನಿಂತು ಕನ್ನಡಿಯ ಮುಂದೆ ಕಾಮಪ್ರಚೋದಕವಾಗಿ ಡ್ಯಾನ್ಸ್ ಮಾಡುವುದು ಸೆರೆಯಾಗಿದೆ. ಲೋಗನ್ವಿಲ್ಲೆಯಲ್ಲಿರುವ ರೋಗಿಯ ನಿವಾಸದಲ್ಲಿ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ.

ವೈರಲ್ ಆದ ಮತ್ತೊಂದು ವಿಡಿಯೊದಲ್ಲಿ, ಆಕೆ ಡ್ಯಾನ್ಸ್ ಮಾಡುವಾಗ ಬಾತ್‍ಟಬ್‍ನ ಅಂಚುಗಳ ಮೇಲೆ ನಿಂತು ರೋಗಿಗೆ ತನ್ನ ಜೇಬಿನಿಂದ ಏನೋ ತೆಗೆದು ಬಲವಂತವಾಗಿ ತಿನ್ನಿಸುವುದು ಸೆರೆಯಾಗಿದೆ. ಹಾಗೇ ಆಕೆ ಈ ಬಾರಿ ಇನ್ನೊಬ್ಬ ರೋಗಿಯೊಂದಿಗೆ, ಬಾತ್‍ಟಬ್‍ನಲ್ಲಿ ಟಾಪ್ಲೆಸ್ ಆಗಿ ಮಲಗಿದ್ದಳು. ಇದು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿ ಜನರ ಆಕ್ರೋಶಕ್ಕೆ ಕಾರಣವಾಗಿದೆ.

ಈ ಸುದ್ದಿಯನ್ನೂ ಓದಿ: Viral News: ಲಾಟರಿಯಲ್ಲಿ ಕೇರಳದ ನರ್ಸ್‌ಗೆ ಜಾಕ್‌ಪಾಟ್‌; ಇವರಿಗೆ ಸಿಕ್ಕ ಹಣ ನಿಮ್ಮ ಊಹೆಗೂ ಮೀರಿದ್ದು

ಜಾರ್ಜಿಯಾ ಪೊಲೀಸರು ಆಕೆಯ ವಿರುದ್ಧ ಮಾಹಿತಿ ಪಡೆದ ನಂತರ ಅವಳನ್ನು ಬಂಧಿಸಿದ್ದಾರೆ. ಆದರೆ ನಂತರ ಅವಳು 7,500 ಡಾಲರ್ ಬಾಂಡ್ ಪಾವತಿಸಿ ವಾಲ್ಟನ್ ಕೌಂಟಿ ಜೈಲಿನಿಂದ ಹೊರಬಂದಿದ್ದಾಳೆ ಎನ್ನಲಾಗಿದೆ. ಪೊಲೀಸ್ ಮುಖ್ಯಸ್ಥ ಎಂ.ಡಿ.ಲೋರಿ ಈ ವಿಡಿಯೊವನ್ನು "ಭಯಾನಕ ಮತ್ತು ಅಸಹ್ಯಕರ" ಎಂದು ಕರೆದಿದ್ದು, ಸಂತ್ರಸ್ತರಿಗೆ ನ್ಯಾಯ ಒದಗಿಸುವುದಾಗಿ ಭರವಸೆ ನೀಡಿದ್ದಾರೆ.