IPL 2025: ಚೆನ್ನೈ ವಿರುದ್ಧ ಗೆಲುವು; ಆರ್‌ಸಿಬಿಗೆ ಅಭಿನಂದಿಸಿದ ವಿಜಯ್ ಮಲ್ಯ
Vijay Mallya: ಬದ್ಧ ಎದುರಾಳಿ ಚೆನ್ನೈ ಸೂಪರ್‌ ಕಿಂಗ್ಸ್‌(RCB vs CSK) ವಿರುದ್ಧ ಆರ್‌ಸಿಬಿ 50 ರನ್ ಅಂತರದ ಗೆಲುವು ಸಾಧಿಸುತ್ತಿದ್ದಂತೆ ವಿಜಯ್ ಮಲ್ಯ ಸಾಮಾಜಿಕ ಜಾಲತಾಣವಾದ ಎಕ್ಸ್‌ನಲ್ಲಿ ತಂಡಕ್ಕೆ ಅಭಿನಂದನೆ ಸಲ್ಲಿದ್ದಾರೆ. ಜತೆಗೆ ತಂಡದ ಸಾಧನೆಯನ್ನು ಕೊಂಡಾಡಿದ್ದಾರೆ.
Abhilash BC
Mar 29, 2025 2:51 PM
ಲಂಡನ್‌: ಆರ್‌ಸಿಬಿ(RCB) ಫ್ರಾಂಚೈಸಿಯ ಮಾಜಿ ಮಾಲಕ ವಿಜಯ್ ಮಲ್ಯ(Vijay Mallya) ಆರ್ಥಿಕ ಅಪರಾಧಿಯಾಗಿ ವಿದೇಶಕ್ಕೆ ಪರಾರಿಯಾಗಿದ್ದರೂ ಆರ್‌ಸಿಬಿ ಮೇಲಿನ ಅಭಿಮಾನ ಮಾತ್ರ ಕಿಂಚಿತ್ತು ಕಡಿಮೆಯಾಗಿಲ್ಲ. ಶುಕ್ರವಾರ ಬದ್ಧ ಎದುರಾಳಿ ಚೆನ್ನೈ ಸೂಪರ್‌ ಕಿಂಗ್ಸ್‌(RCB vs CSK) ವಿರುದ್ಧ 50 ರನ್ ಅಂತರದ ಗೆಲುವು ಸಾಧಿಸುತ್ತಿದ್ದಂತೆ ವಿಜಯ್ ಮಲ್ಯ ಸಾಮಾಜಿಕ ಜಾಲತಾಣವಾದ ಎಕ್ಸ್‌ನಲ್ಲಿ ತಂಡಕ್ಕೆ ಅಭಿನಂದನೆ ಸಲ್ಲಿದ್ದಾರೆ. ಜತೆಗೆ ತಂಡದ ಸಾಧನೆಯನ್ನು ಕೊಂಡಾಡಿದ್ದಾರೆ.
'ಚೆಪಾಕ್ ಕೋಟೆಯಲ್ಲಿ ದಕ್ಷಿಣದ ಎದುರಾಳಿ ಸಿಎಸ್‌ಕೆ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ್ದಕ್ಕಾಗಿ ಆರ್‌ಸಿಬಿಗೆ ಅಭಿನಂದನೆಗಳು. ಬ್ಯಾಟಿಂಗ್ ಮತ್ತು ಬೌಲಿಂಗ್‌ನಲ್ಲಿ ಅತ್ಯುತ್ತಮ ಆಲ್‌ರೌಂಡ್ ಪ್ರದರ್ಶನ ತೋರಿದ್ದೀರಿ. ಧೈರ್ಯಶಾಲಿ ಹುಡುಗರೇ, ಹೀಗೆ ನಿಮ್ಮ ಆಟ ಮುಂದುವರಿಸಿ' ಎಂದು ಟ್ವಿಟ್‌ ಮೂಲಕ ತಂಡದ ಪ್ರದರ್ಶನಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಕೆಕೆಆರ್‌ ವಿರುದ್ಧದ ಉದ್ಘಾಟನ ಪಂದ್ಯದಲ್ಲಿ ಗೆದ್ದಾಗಲೂ ವಿಜಯ್ ಮಲ್ಯ ಆರ್‌ಸಿಬಿಗೆ ಅಭಿನಂದಿಸಿದ್ದರು.
Congratulations to RCB for an emphatic victory over Southern rivals CSK in their Chepauk fortress after 18 long years. A great all round performance with bat and ball. Play Bold guys.
— Vijay Mallya (@TheVijayMallya) March 28, 2025
ಶುಕ್ರವಾರ ನಡೆದ ಪಂದ್ಯದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಆರ್‌ಸಿಬಿ ನಾಯಕ ರಜತ್‌ ಪಾಟಿದಾರ್‌ ಅವರ ಅರ್ಧ ಶತಕ ಮತ್ತು ಫಿಲ್‌ ಸಾಲ್ಟ್, ಟಿಮ್‌ ಡೇವಿಡ್‌ ಅವರ ಬಿರುಸಿನ ಬ್ಯಾಟಿಂಗ್ ನೆರವಿನಿಂದ 7 ವಿಕೆಟಿಗೆ 196 ರನ್ ಪೇರಿಸಿತು. ಗುರಿ ಬೆನ್ನಟ್ಟಿದ ಚೆನ್ನೈ ತಂಡ ನಾಟಕೀಯ ಕುಸಿತದೊಂದಿಗೆ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 146 ರನ್ ಮಾತ್ರ ಗಳಿಸಲು ಶಕ್ತವಾಗಿ ಸೋಲು ಕಂಡಿತು. ಇದು ಚೆನ್ನೈಗೆ ತವರಿನಲ್ಲಿ 17 ವರ್ಷಗಳ ಬಳಿಕ ಆರ್‌ಸಿಬಿ ವಿರುದ್ಧ ಎದುರಾದ 2ನೇ ಸೋಲು.
ಇದನ್ನೂ ಓದಿ IPL 2025 Points Table: ಆರ್‌ಸಿಬಿ ಅಗ್ರಸ್ಥಾನ ಸುಭದ್ರ; 7ನೇ ಸ್ಥಾನಕ್ಕೆ ಕುಸಿದ ಚೆನ್ನೈ
ಸಂಕ್ಷಿಪ್ತ ಸ್ಕೋರ್‌
ಆರ್‌ಸಿಬಿ 20 ಓವರಲ್ಲಿ 196/7 (ಪಾಟೀದಾರ್‌ 51, ಸಾಲ್ಟ್ 32, ನೂರ್‌ ಅಹ್ಮದ್‌ 3-36, ಪತಿರಾಣ 2-36), ಚೆನ್ನೈ 20 ಓವರಲ್ಲಿ 146/8 (ರಚಿನ್‌ 41, ಧೋನಿ 30*, ಹೇಜಲ್‌ವುಡ್‌ 3-21, ಲಿವಿಂಗ್‌ಸ್ಟೋನ್‌ 2-28, ಯಶ್‌ 2-18) ಪಂದ್ಯಶ್ರೇಷ್ಠ: ರಜತ್‌ ಪಾಟೀದಾರ್‌.